اسلام آباد :احتساب عدالت نے نوری آباد پاور پلانٹ ریفرنس میں تمام وکلاء کو درخواستوں پر جرح کرنے کا آخری موقع دے دیا جبکہ شریک ملزمہ کی جانب سے بریت کی درخواست پر عدالت نے نیب کو نوٹس بھی جاری کر دیا۔
اسلام آباد کی احتساب عدالت کے جج اصغر علی نے نوری آباد پاور پلانٹ ریفرنس کی سماعت کی۔
اس سلسلے وزیر اعلیٰ سندھ مراد علی شاہ سمیت دیگر ملزمان عدالت کے روبرو پیش ہوئے جبکہ شریک ملزم محمد علی کے بینک اکاؤنٹس سے متعلق مزید تفصیلات عدالت میں پیش کی گئیں۔
شریک ملزمہ شازیہ جعفر نے نیب ریفرنس کو چیلنج کرتے ہوئے بریت کی درخواست دائر کی۔
عدالت میں راجہ پرویز اشرف کے ٹوڈیرو ٹو پاور پلانٹ ریفرنس ختم کرنے سے متعلق فیصلہ بھی پڑھ کر سنایا گیا۔
عدالت نے درخواست پر نیب کو نوٹس جاری کرتے ہوئے تمام وکلاء کو درخواستوں پر جرح کرنے کا آخری موقع دے دیا جبکہ عدالت نے سماعت 16مارچ تک ملتوی کر دی۔
