کراچی میں 24 سے 36کلومیٹر فی گھنٹہ کی رفتار سے تیز ہوائیں چلنے لگیں
محکمۂ موسمیات کے مطابق شمالی علاقوں سے مغربی سسٹم رخصت ہو رہا ہے، مغربی سسٹم ختم ہونے پر ہائی پریشر ایریا بن گیا
محکمۂ موسمیات کا کہنا ہے کہ شہر میں ہوا میں نمی کا موجودہ تناسب 14فیصد ہے، کراچی میں آئندہ دو روز کے دوران ہواؤں کا رخ تبدیل رہے گا، دن میں شمال مغرب سے گرم اور خشک ہوائیں چلیں گی
شہر کا موجودہ درجہ حرارت 35ڈگری سینٹی گریڈ ہے، بدھ کو شہر کا موسم گرم اورخشک رہے گا، بدھ کو شہر کا درجہ حرارت 36سے 38 ڈگری تک ہوسکتا ہے
محکمۂ موسمیات کا کہنا ہے کہ جمعرات کو موسم گرم اور مرطوب رہنے کا امکان ہے، جمعرات کو درجہ حرارت 35 سے37 ڈگری رہنےکاامکان ہے.
