بالی وُڈ شہنشاہ امیتابھ بچن، بومن ایرانی اور انوپم کھیر ایک ساتھ بالی وڈ کی نئی فلم ’اونچائی‘ میں نظر آنے والے ہیں
گزشتہ روز یوٹیوب پر فلم ’اونچائی‘ کا ٹریلر جاری کیا گیا، جس میں تینوں اداکار اپنی اداکاری کا جوہر دکھا رہے ہیں، جبکہ ان کے ساتھ ایکٹر ڈینی ڈینزونگپا اور پری نیتی چوپڑا بھی کیمیو کرتے نظر آئیں گے
فلم ’اونچائی‘ کی کہانی چار عمر رسیدہ دوستوں کے گرد گھومتی ہے، جو اپنی زندگی بھرپور انداز سے جینا چاہتے ہیں
ان میں سے ایک کے انتقال کے بعد بقیہ تین دوست اس کی ادھوری خواہش پوری کرنے اور آخری رسومات ادا کرنے کے لیے ماؤنٹ ایورسٹ سَر کرنے کی مہم جوئی کرتے ہیں
فلم کے ٹریلر کے بارے میں امیتابھ بچن نے سماجی رابطوں کی ویب سائٹ ٹوئٹر پر لکھا ’اسے ہم پیار اور محبت سے لا رہے ہیں، یہ خاص ہے، یہ اونچائی ہے۔‘
تفریح پر مبنی ایک منفرد اور دلچسپ موضوع کا احاطہ کرتی اس فلم کے ہدایت کار سورج آر برجاتیا ہیں
فلم اونچائی کی ایک خاص بات یہ بھی ہے کہ اداکارہ ساریکا 47 سال بعد اس کے ذریعے واپسی کرنے جارہی ہیں۔ پوسٹر میں فیمیل لیڈ اسٹار کے طور اداکارہ ساریکا نظر آرہی ہے
امیتابھ بچن، انوپم کھیر اور بومن ایرانی بھی پوسٹر میں نظر آرہے ہیں۔ فلم اونچائی کے ہر کردار کا پوسٹر کو فنکاروں کے خاص دوستوں کی طرف سے لانچ کیا جارہا ہے، جو راجشری کی طرف سے اس فلم کی قبولیت کے لیے ایک بڑا منصوبہ لگ رہا ہے
اداکارہ ساریکا کا پوسٹر اداکارہ کرن کھیر نے پیش کیا ہے۔ کرن کھیر نے اپنے سوشل میڈیا اکاؤنٹ پر ساریکا کے کردار والے پوسٹر کو شیئر کرتے ہوئے انہیں خوب مبارکباد دی ہے
فلم اونچائی ساریکا کی راجشری کے ساتھ دوسری فلم ہے۔ انہوں نے سال 1975 میں ہٹ فلم گیت گاتا چل، میں پروڈکشن ہاؤس کے ساتھ کام کیا تھا۔ یوں کہے کہ 47 سال بعد فلم اونچائی سے ان کی واپسی ہو رہی ہے
انڈسٹری میں اس بات پر بحث ہو رہی ہے کہ اونچائی میں ساریکا کا کردار زبردست ہے اور یہ ان کے لیے ایک بہت ہی مضبوط واپسی ہو سکتی ہے
پوسٹر میں ہم انہیں برفیلی پہاڑوں کے درمیان دیکھتے ہیں، جہاں انہوں نے سر کو دوپٹہ سے ڈھکا ہوا ہے اور ان کی خوبصورت، بھوری آنکھیں روحانی دنیا کی تلاش میں ہیں
راجشری نے اپنے 75 سال پورے کر لیے ہیں اور اونچائی پروڈکشن ہاؤس کی ساٹھویں فلم ہے۔ اور برجاتیہ کی ہدایت میں بننے والی اس فلم میں امیتابھ بچن ، انوپم کھیر ، بومن ایرانی ، ساریکا ، نینا گپتا اور پرینیتی چوپڑا لیڈ رول میں ہیں
ڈینی ڈینزونگپا اور نفیسہ علی بھی اس میں نظر آئیں گی
کامیڈی اور ڈرامے سے بھرپور یہ فلم 11 نومبر کو سنیما گھروں کی زینت بنے گی، جس کا شائقین کو بےصبری سے انتظار ہے
یاد رہے کہ اس سے قبل امیتابھ بچن کی فلم ’گُڈ بائے‘ ریلیز ہوئی تھی، جو کہ باکس آفس پر اچھا بزنس کرنے میں ناکام رہی تھی، تاہم اس فلم کے لئے امیتابھ بچن نے اُمید ظاہر کی ہے کہ لوگوں کو پسند آئے گی اور اچھا بزنس کرے گی
فلم کے بارے میں یوٹیوب پر صارفین کی جانب سے تبصرے بھی دیکھنے میں آرہے ہیں۔
وِمل یادو لکھتے ہیں کہ ’یہ ہے اصلی بالی وُڈ، جو ہم بڑی اسکرین پر دیکھنے کی آرزو رکھتے ہیں۔‘
دیوانش نے لکھا ’کیا زبردست اسٹار کاسٹ ہے، یہ ایک شاہکار ہوگی، بڑی عمر کے افراد اس فلم کو بہت پسند کریں گے، میں یہ فلم اپنے دادا دادی کو دکھاؤں گا۔‘
جگجیت راج لکھتے ہیں ’میں پورے ٹریلر میں مسکرا رہا تھا، بہت اچھا محسوس ہورہا ہے، کیا فلم ہے، میں یہ ضرور دیکھوں گا۔‘
