بیجنگ : ہونڈا نے ایک نیا اسکوٹر متعارف کرایا ہے، جسے چلانے کے لیے پٹرول کی بجائے بجلی کی ضرورت ہوگی۔ وویانگ ہونڈا کا تیار کردہ الیکٹرک اسکوٹر کیوٹسی یو بی چین میں فروخت کے لیے پیش کیا گیا جس کے بارے میں کمپنی کا کہنا ہے کہ وہ ایک بار کی چارجنگ پر پچاس میل تک سفر کرسکے گا
یہ اسکوٹر دو کمپنیوں نے مل کر باہمی اشتراک سے تیار کیا ہے اور فی الحال صرف چین میں ہی دستیاب ہے
فیچرز کے لحاظ سے یہ ایک ای بائیک کی طرح ہے کیونکہ اس میں پیڈلز بھی موجود ہیں، تاکہ چین میں اسے خریدنے والوں کو ڈرائیور لائسنس کی بھی ضرورت نہ ہو
اسکوٹر میں 350 واٹ کی موٹر موجود ہے جو اسے پندرہ میل فی گھنٹہ کی رفتار سے چلنے میں مدد فراہم کرتی ہے. رفتار کم رکھنے کی وجہ چین میں الیکٹرک سائیکل کی رفتار کی حد کو برقرار رکھنا ہے تاکہ ریگولیٹری اخراجات کو کم کیا جا سکے
لیکن صارفین 720، 960 اور 1152 واٹ موٹرز کے آپشنز میں سے بھی انتخاب کرسکتے ہیں جو ایک بار کی چارجنگ پر بالترتیب 34، 43 اور 50 میل تک سفر کرسکتی ہیں
قانون کی نظر میں الیکٹرک سائیکل ہونے کے باوجود یہ ایک اسکوٹر ہے اور کمپنی کا کہنا ہے کہ اس سے ٹریفک کے رش میں بروقت اپنی منزل پر پہنچنا ممکن ہوگا
چین سے باہر اسے متعارف کرایا جائے گا یا نہیں اس بارے میں کمپنی نے کچھ نہیں بتایا اور اس کی قیمت 475 ڈالرز (78 ہزار پاکستانی روپے سے زائد) رکھی گئی ہے.
یہ بھی پڑھئیے:
