رمضان المبارک کے اکثر دوران روزہ داروں کو مختلف وجوہات کی بنا پر سر درد کا سامنا کرنا پڑتا ہے، جن میں سے سب سے زیادہ عام طور پر خون میں شوگر کی کمی، پانی کی کمی، کیفین کی کمی اور نیند کی کمی ہے
بہت سے لوگوں کا خیال ہے کہ سحری کے وقت میٹھا کھانے سے دن بھر بلڈ شوگر لیول بہتر رہے گا، لیکن ایسا نہیں ہوتا
روزے کے دوران جسم میں پانی کی کمی اور شوگر اور نمکیات کی کمی بے شمار مسائل کا سبب بن سکتی ہے جن میں سر درد، سستی، پٹھوں میں کمزوری، چکر آنا، بلڈ پریشر میں کمی، دل کی دھڑکن میں اضافہ، بخار اور دیگر شدید وجوہات میں آپ بے ہوش بھی ہو سکتے ہیں
ان مسائل سے بچنے کا آسان حل یہ ہے کہ سحری اور افطار کے اوقات میں پانی کی مقدار میں اضافہ کریں
ماہ رمضان میں روزہ دار کئی گھنٹوں تک کچھ کھاتے پیتے نہیں جبکہ نیند کے دورانیے میں کمی سمیت طرز زندگی اور جسم میں بھی کافی تبدیلیاں آتی ہیں
ڈنمارک میں کی گئی ایک تحقیق کے مطابق روزے کے دوران سر درد کی شرح میں 4.1 فیصد اضافہ ہوا ہے، زیادہ تر سولہ گھنٹے روزہ رکھنے کے بعد سر درد ہوتا ہے اور افطاری کے بعد ہی سر درد میں کمی آنے لگتی ہے
روزے کے دوران سر درد کا کیا علاج ہے؟ آئیے جانتے ہیں:
فائبر غذاؤں کا استعمال:
روزے کے دوران سر درد کی عام وجہ بھوک لگنا، جسم میں پانی کی کمی، نیند کے دورانیے میں کمی ہوبسکتی ہے
اسی لیے سر درد کا آسان حل یہ ہے کہ اس بات کو یقینی بنائیں کہ سحری کھانا کبھی مت چھوڑیں، سحری میں فائبر غذاؤں کا استعمال زیادہ سے زیادہ کریں.
فائبر غذاؤں میں گوبھی، گاجر، آلو، گندم کے علاوہ سیب، کیلے بھی شامل ہیں
پانی کا استعمال زیادہ کریں:
چونکہ 15 گھنٹے روزہ رکھنے سے جسم میں پانی کی کمی ہوتی ہے لہٰذا سحری میں کم از کم چار گلاس کے پانی اور افطار کے بعد ہر ایک آدھے یا ایک گھنٹے کے وقفے سے پانی کا ایک گلاس لازمی پپنے کی عادت ڈالیں
کیفین کا استعمال
کوشش کریں کہ سحری میں ایک کپ کافی پی لیں، کافی پینے سے جسم سے کیفین کے اخراج کا خطرہ کم ہو جائے گا
نیند پوری کریں:
نیند کی کمی سر درد سمیت دیگر مسائل کی ایک اہم وجہ ہے
رمضان کے دوران سونے کے اوقات کو منظم کریں، دیر تک جاگنے سے گریز کریں اور دن کے وقت سونا یقینی بنائیں جو آپ کی صحت کے لیے یقینی طور پر مددگار ثابت ہوگا۔
دن کے وقت ٹھنڈی جگہوں پر رہیں اور جہاں تک ممکن ہو دھوپ یا گرم جگہوں سے پرہیز کریں
اس دوران لیپ ٹاپ یا کمپیوٹر یا موبائل فون کا استعمال کم کریں، لہٰذا یہ بہت ضروری ہے کہ آپ رات کو اچھی نیند پر توجہ دیں
واضح رہے کہ یہ رپورٹ طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔
