فٹ بال کی عالمی گورننگ باڈی ’فیفا‘ فٹبال ایوارڈ 2023 کی تقریب میں اسٹار کھلاڑی لیونل میسی کو تیسری بار بہترین مینز فٹبالر جبکہ بارسلونا کی ایتانا بونماتی کو بہترین خواتین فٹبالر قرار دیا گیا۔
چھتیس سالہ ارجنٹینی اسٹار نے پیر کی رات لندن میں منعقدہ ایوارڈ تقریب کے دوران ایرلنگ ہالینڈ اور کائیلین ایمباپے کو پچھاڑ کر انفرادی اعزاز حاصل کیا۔
لیونل میسی کو 2023 کے لیے سال کا بہترین فٹبالر منتخب کیا گیا، انہوں نے تیسری مرتبہ پلیئر آف دی ایئر کا اعزاز حاصل کیا ہے۔
لیونل میسی نے اس سے قبل 2019 اور 2022 میں بھی یہ ٹائٹل جیتا تھا۔ وہ اس سنگ میل تک پہنچنے والے پہلے کھلاڑی بھی ہیں۔
میسی نے مانچسٹر سٹی کے ایرلنگ ہالینڈ کو پچھاڑ کر مردوں کے انعام میں جگہ بنائی۔ فیفا کے اسکورنگ سسٹم میں یہ جوڑی 48 پوائنٹس پر برابر تھی، لیکن میسی قومی مردوں کی ٹیم کے کپتانوں کے ووٹوں کی وجہ سے فاتح ٹھہرے
تاہم میسی ایوارڈ کی تقریب میں واضح طور پر غیر حاضر تھے۔ وہ اپنے کلب انٹر میامی کے ساتھ پری سیزن ٹور پر ہے۔
لیونل میسی نے تیسری بار مردوں کا ایوارڈ جیتا، لیکن خواتین کے کھیل کے جشن کے طور پر سجائی گئی ایک تقریب میں، بونماٹی کا انعام رات کا اہم لمحہ تھا۔ اسپین اور بارسلونا کی فارورڈ، جس نے کہا کہ وہ 2023 کے لیے پہلے ہی پرانی یادوں کا شکار ہیں، اسٹیج پر موجود وہ واحد شخص بھی تھیں، جنہوں نے لوئس روبیلس اسکینڈل کی جانب اشارہ بھی کیا، جس نے ویمنز ورلڈ کپ فائنل کو داغدار کر دیا۔
بونماٹی نے کہا، ”کچھ ہفتے پہلے میں ایک غیر معمولی اور منفرد سال کے لیے پرانی یادوں میں تھی، لیکن اس سال کا آغاز کرتے ہوئے اس ایوارڈ کو حاصل کر کے مجھے بہت فخر محسوس ہوتا ہے“
بونماٹی نے کہا، ”مجھے خواتین کی ایک طاقتور نسل کا حصہ بننے پر فخر ہے جو کھیل اور دنیا کو بدل رہی ہیں۔“
مردوں کے گول کیپر آف دی ایئر کا اعزاز مانچسٹر سٹی کے برازیلین گول کیپر ایڈرسن کو دیا گیا، انگلش گول کیپر میری ایرپس کو مسسلسل دوسرے سال فیفا کی بہترین خواتین کی گول کیپر آف دی ایئر قرار دیا گیا۔
بہترین فیفا فٹ بال ایوارڈز 2023 حاصل کرنے والوں کی فہرست یہ رہی:
بہترین فیفا مرد کھلاڑی: لیونل میسی
فیفا کی بہترین خواتین کھلاڑی: ایتانا بونماٹی
بہترین فیفا مینز کوچ: پیپ گارڈیوولا
بہترین فیفا خواتین کوچ: سرینا ویگ مین
بہترین فیفا مردوں کا گول کیپر: ایڈرسن
بہترین فیفا خواتین کی گول کیپر: میری ایرپس
فیفا فیئر پلے ایوارڈ: برازیل کی مردوں کی قومی ٹیم
پسکاس فیفا ایوارڈ: گلہیرمی مادروگا
فیفا فین ایوارڈ: ہیوگو ڈینیئل "ٹوٹو” انگیوز
فیفا خصوصی ایوارڈ: مارٹا
فیفا فیپرو مینز ورلڈ 11: تھیباٹ کورٹوائس، کائل واکر، روبن ڈیاس، جان اسٹونز، جوڈ بیلنگھم، کیون ڈی بروئن، برنارڈو سلوا، ونیسیئس جونیئر، لیونل میسی، کائلان ایمباپے اور ایرلنگ ہالینڈ
فیفا فیپرو ویمنز ورلڈ 11: میری ایرپس، لوسی برونز، اولگا کارمونا، ایلکس گرین ووڈ، ایتانا بونماٹی، ایلا ٹون، کیرا والش، لارین جیمز، سیم کیر، ایلکس مورگن اور ایلیسیا روسو۔
